The news is by your side.

Advertisement

کوئٹہ:زائرین کی بس پرخودکش حملہ، 2 افراد جاں بحق،30 سےزائد زخمی

کوئٹہ میں زائرین کی بس پر خودکش حملے کے نتیجے میں دو زائرین جاں بحق اور تیس سے زائد زخمی ہوگئے ہیں، خودکش حملے کا مقدمہ سیالکوٹ تھانے میں درج کر لیا گیاہے۔

دہشت گردی کے عفریت نے دو ہزار چودہ میں بھی پاکستان کا پیچھا نہ چھوڑا، نئے سال کے پہلے روز کوئٹہ میں دہشت گردی کا پہلا واقعہ پیش آیا جس میں دہشتگردوں نے ایران سے واپس آنے والے زائرین کے قافلے کو نشانہ بنایا، حملہ آور پک اپ میں سوار تھا، جس نے قمبرانی روڈ پر اختر آباد کے قریب اپنی گاڑی کو زائرین کی بس سے ٹکرا دیا۔

جس کے نتیجے میں زوردار دھماکا ہوا اور بس میں آگ لگ گئی، دھماکے سے خواتین اور بچوں سمیت درجنوں افراد زخمی ہوگئے، جنہیں بولان میڈیکل کمپلیکس اور دیگر اسپتالوں میں منتقل کیا گیا، بس میں لگنے والی آگ پر قابو پانے کیلئے فائر بریگیڈ کو بھی طلب کر لیا گیا، دھماکے کے بعد افراتفری دیکھنے میں آئی۔

پولیس وین بھی دھماکے کی زد میں آئی، جس سے چار اہلکار زخمی بھی ہوئے، بم ڈسپوزل اسکواڈ کے مطابق دھماکہ خیز مواد کا وزن سو کلوگرام تک تھا۔
   

Print Friendly, PDF & Email

Comments

comments

یہ بھی پڑھیں