site
stats
پاکستان

کوئٹہ:مری آباد میں مکان میں گیس بھرنے سے دھماکہ، 3افراد جاں بحق

کوئٹہ:  مری آباد میں مکان میں گیس بھرنے سے ہونے والے دھماکے میں ماں سمیت دو بچے جاں بحق ہوگئے ہیں۔

پولیس کے مطابق کمرے میں لیکج کے باعث گیس بھر گیا تھا، صبح جب ہیٹر جلانے کے لئے خاتون نے ماچس کی تیلی جلائی تو دھماکہ ہوگیا، جس کے نتیجے میں کمرے میں موجود دو بچوں سمیت ایک خاتون موقع پر ہی جاں بحق جبکہ تین مرد شدید زخمی ہوگئے اور مکان مکمل طور پر تباہ ہوگیا۔

دھماکے میں جاں بحق ہونے والوں میں ماں اور اس کے دو بچے جن میں چھ ماہ کی بیٹی اور آٹھ سالہ بیٹا شامل ہیں جبکہ گھر میں موجود دیگر تین افراد ملبے تلے دب کر زخمی ہوگئے، جنہیں فوری طور پر اسپتال روانہ کر دیا گیا۔

دھماکے کے بعد فوری طور پر وہاں پہنچنے والے پڑوسی کا کہنا تھا کہ دھماکا گیس کا نہیں تھا، دھماکے کے بعد اہل محلہ نے جاں بحق ماں، بچوں اور زخمیوں کو فوری طور پر اسپتال روانہ کیا، دھماکے سے مکان مکمل طور پر تباہ ہوگیا، ریسکیو ٹیمیں حادثے کے کئی گھنٹے بعد پہنچی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top