کوئٹہ:کچلاک کے قریب پاک فضائیہ کا تربیتی طیارہ گرگیا، پائلٹ محفوظ -
The news is by your side.

Advertisement

کوئٹہ:کچلاک کے قریب پاک فضائیہ کا تربیتی طیارہ گرگیا، پائلٹ محفوظ

کوئٹہ: بلوچستان میں کوئٹہ کےعلاقے کچلاک کے قریب پی اے ایف کا جیٹ طیارہ تربیتی پرواز کے دوران گر کر تباہ ہوگیا ،طیارے کا پائلٹ زخمی ہوگیا جسے سی ایم ایچ منتقل کردیا گیا ہے۔

پاکستان ایئر فورس کے ذرائع کے مطابق پی اے ایف کا جیٹ طیارہ اے پی زیر و سیون معمول کے تربیتی پرواز کے دوران فنی خرابی کے باعث کوئٹہ کے نواحی علاقے کچلاک میں کلی موسی زئی کے عقب میں واقع پہاڑی میں گر کر تباہ ہوگیا۔

طیارے کے پائلٹ نے پیراشوٹ کے ذریعے اتر کر جان بچائی اس دوران وہ زخمی ہوگیا، جسے سی ایم ایچ منتقل کردیا گیا، واقعے کے بعد پی اے ایف اور قانون نافذ کرنے والے اداروں کے حکام طیارہ گرنے کی جگہ پہنچ گئے اور ملبے کو تحویل میں لے لیا گیا ہے۔

اس حادثے میں زمین پر کسی قسم کا کوئی جانی یا مالی نقصان نہیں ہوا، ایئر ہیڈ کوارٹرز نے حادثے کی وجوہات جاننے کیلئے تحقیقاتی بورڈ تشکیل دیدیا ہے۔

Comments

comments

یہ بھی پڑھیں