The news is by your side.

Advertisement

کوئٹہ بم دھماکے پر سیاسی رہنماؤں کی شدید مذمت

اسلام آباد: کوئٹہ اسپنی روڈ پر ریمورٹ کنٹرول بم دھماکے پر سیاسی رہنماؤں نے شدید مذمت کی ہے ۔

وزیراعلیٰ بلوچستان عبدالمالک بلوچ نے اسپنی روڈ پر دھماکےکی مذمت کرتے ہوئے پولیس، انتظامیہ کو سیکیورٹی انتظامات مزید سخت کرنےکی ہدایت کی ہے، وزیراعلی نے کہا کہ صوبے کے حالات خراب کرنے کی سازش ناکام بنائیں گے۔

متحدہ قومی مومنٹ کے قائد الطاف حسین نے مویشی منڈی کے قریب دھماکے پر مذمت کرتے ہوئے کہا کہ دہشتگرد ملک میں امن و امان کی صورتحال خراب کرنا اورعوام میں خوف و ہراس پھیلانا چاہتے ہیں، انہوں نے کہا کہ کوئٹہ بم دھماکے کا فوری نوٹس لیکر ملوث عناصر کو قانون کی گرفت میں لایا جائے۔

پیپلز پارٹی کے چئیرمین بلاول بھٹو اور سابق صدر آصف علی زرداری نے کوئٹہ دھماکے کی مذمت کی اور کہا کہ قوم دہشت گردی کے خلاف لڑے گی۔

آصف زرداری کا کہنا تھا کہ خطبۂ حج کے بعد واضح ہے کہ مسلمان کو قتل کرنیوالا مسلمان نہیں۔

Print Friendly, PDF & Email

Comments

comments

یہ بھی پڑھیں