The news is by your side.

Advertisement

کوئٹہ: نوابزادہ شاہ زین بگٹی جمہوری وطن پارٹی کے نئے عبوری صدر منتخب

کوئٹہ: سابق وزیرِ اعلی بلوچستان نواب اکبر بگٹی کے پوتے نوابزادہ شاہ زین بگٹی جمہوری وطن پارٹی کے نئے عبوری صدر منتخب ہوگئے ہیں۔

کوئٹہ میں پریس کانفرنس سے خطاب کرتے ہوئے مرکزی چیف آرگنائز نوراللہ خان نے کہا ہے کہ نوابزادہ طلال اکبر بگٹی کی انتقال کے بعد پارٹی کی صوبائی ضلعی آرگنائزنگ کمیٹی نے فیصلہ کیا ہے کہ سولہ اگست تک نوابزادہ شاہ زین بگٹی پارٹی کے صدر ہونگے، اس کے بعد آرگنائزنگ کمیٹی شاہ زین بگٹی کی عہدے کی مدت میں توسیع کرسکتی ہے۔

انہوں نے کہا کہ پارٹی کو ملک بھر میں مستحکم اور مضبوط بنانے کیلئے جلد ممبر سازی مہم شروع کی جائے گی۔

جمہوری وطن پارٹی کی صوبائی آرگنائزنگ کمیٹی نے نوابزادہ شاہ زین بگٹی کو جمہوری وطن پارٹی کا نیا صدر مقرر کردیا ہے، شاہ زین بگٹی سولہ اگست دو ہزارپندرہ تک پارٹی صدرکی ذمہ داریاں نبھائیں گے۔ صدارت کی نشت نوابزادہ طلال اکبر بگٹی کے انتقال کے بعد خالی ہوئی تھی۔

یاد رہے کہ نواب اکبر بگٹی کے بیٹے اور جمہوری وطن پارٹی کے سربراہ طلال اکبر بگٹی مختصرعلالت کے بعد انتقال کر گئے۔

واضح رہے کہ طلال اکبر بگٹی 1952 میں پیدا ہوئے اور وہ سابق گورنر اور وزیراعلیٰ بلوچستان نواب اکبر بگٹی کے چوتھے صاحبزادے اور شاہ زین بگٹی، بہرام بگٹی اور میر چاکر بگٹی کے والد تھے۔

Comments

comments

یہ بھی پڑھیں