site
stats
بلوچستان

کوئٹہ : ضلع ژوب کی2 سالہ بچی میں پولیو وائرس کی تصدیق

کوئٹہ: ورلڈ اینٹی پولیو ڈے پر پاکستان کے شہر کوئٹہ میں ایک اور پولیو کیس سامنے آگیا، پاکستان میں رواں برس پولیو کا شکار بچوں کی تعداد دو بیس تک پہنچ گئی ہے۔

کوئٹہ میں ضلع ژوب سے تعلق رکھنے والی دو سالہ بچی میں پولیو وائرس کی تصدیق اور ملک میں اس سال دوسو سے زیادہ پولیو کیسزحکومت اور عالمی اداروں کی انسدادِ پولیو کی کوششوں پر بڑا سوالیہ نشان ہیں ؟ رواں سال شہروں سمیت قبائلی علاقہ جات سے پولیو کے دوسو بیس کیسز رپورٹ ہوئے۔

پاکستان میں پولیوکیسز میں اضافے کی بڑی وجہ پولیو ورکز پر حملوں کو قرار دیا جارہا ہے۔

گزشتہ دو برس کے دوران تیس سے زیادہ پولیو ورکرز دہشت گردی کی نذر ہوگئے، جس سے پولیو ورکرز میں خوف و ہراس پیدا ہوا اور انسدادپولیو کی کوششوں کو شدید دھچکا پہنچا جبکہ پولیو کے قطروں کے بارے میں غلط فہمیوں کو تقویت ملنے کے باعث کم تعلیم یافتہ طبقہ اپنے بچوں کو پولیو کے قطرے پلانے میں ہچکچاہٹ کا شکار ہے۔

پولیو کے کیسزمیں اضافے کے باعث عالمی ادارہ صحت نے پاکستان سے بیرون ملک جانے والے مسافروں کو پولیو کے قطرے پینا لازمی قرار دے دیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top