کوئٹہ : سخت سیکورٹی کے باوجود دہشت گردی نہ رک رسکی، آج صبح جوائنٹ روڈ پر موٹر سائیکل سوار ملزمان نے فائرنگ کر کے پولیس اہلکار سمیت تین افرادکو موت کے گھاٹ اتار دیا۔
کوئٹہ میں دہشتگرد پھر سرگرم ہیں، صوبائی دارالحکومت میں دہشتگردوں نے جوائنٹ روڈ پاسپورٹ آفس کے قریب اندھا دھند فائرنگ کردی ۔ جس کے نتیجے میں تین افراد زخمی ہوئے، جنہیں فوری طور پر اسپتال منتقل کیا جا رہا تھا کہ راستے میں دم توڑ گئے۔
جاں بحق افراد میں ایک پولیس اہلکار بھی شامل ہے۔
دوسری جانب کوئٹہ کے علاقے بلدیہ پلازہ پر ایف سی اور پولیس نے خفیہ اطلاعات پر چھاپے کے دوران تین مشتبہ افراد کو گرفتار کر کے اسلحہ برآمد کرلیا، کوئٹہ میں گزشتہ روز باچا خان روڈ پر دھماکے اور فائرنگ سے ایک شخص جاں تین زخمی ہوئے تھے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں