The news is by your side.

Advertisement

کوئٹہ: قاتلوں کی عدم گرفتاری کیخلاف انجنئیر کے ورثہ کا وزیراعلٰی ہاوس پر احتجاج

کوئٹہ: سبی میں گیارہ نومبر کو بچوں سمیت قتل ہونے والے انجنیئر کے قاتلوں کی عدم گرفتاری کے خلاف اُس کے ورثاء نے کوئٹہ میں وزیراعلیٰ ہاوس کے قریب احتجاج کیا ہے۔،

تفصیلات کے مطابق محکمہ بلدیات کے اسسٹنٹ انجنیئر معراج علی عمرانی اور اُن کے پانچوں کو اُس وقت فائرنگ کرکے قتل کیا گیا تھا جب وہ ڈیرہ مراد جمالی سے کوئٹہ آرہے تھے۔

واقعے کے خلاف اُن کے ورثاء نے بدھ کو صوبائی دارلحکومت کوئٹہ میں احتجاج کرتے ہوئے وزیراعلیٰ ہاوس جانے کی کوشش کی تاہم پولیس نے مظاہرین کو فیاض سمبل چوک پر روک لیا۔ اس دوران مظاہرین نے نعرہ بازی کی، مظاہرے میں معصوم بچوں اور بچیوں نے بھی شرکت کی۔

معراج عمرانی کے ورثاء کا کہنا تھا کہ اُن کے ساتھ بہت بڑا ظلم ہوا ہے لیکن انتظامیہ اور حکومت اس معاملے پر خاموش تماشائی بنی ہوئیں ہیں۔ معصوم مظاہرین نے مقتول بچوں کی تصاویر اٹھا رکھی تھیں۔ مظاہرین نے وزیراعلیٰ اور گورنر بلوچستان سے مطالبہ کیا ہے کہ معصوم بچوں کے قاتلوں کو گرفتار کیا جائے۔

Print Friendly, PDF & Email

Comments

comments

یہ بھی پڑھیں