site
stats
بلوچستان

کوئٹہ: نامعلوم ملزمان تین خواتین پر تیزاب پھینک کرفرار

کوئٹہ کے علاقے سریاب میں نامعلوم موٹر سائیکل سواروں نے خواتین پر تیزاب پھینک دیا اے ایس پی سریاب کی سربراہی میں تحقیقاتی کمیٹی تشکیل دیدی گئی، تفصیلات کے مطابق کوئٹہ کے علاقےسریاب روڈ پر شاپنگ سینٹر کے قریب نامعلوم موٹر سائیکل سوار تین خواتین پر تیزاب پھینک کر فرار ہوگئے ۔

تیزاب سے تینوں خواتین کے ہاتھ اور پیر متاثر ہوئے جنہیں طبی امداد کےلئے بولان میڈیکل کمپلیکس ہسپتال منتقل کردیا گیا۔ کیپٹل سٹی پولیس آفیسر عبدالرزاق چیمہ نے خواتین پر تیزاب پھینکے جانے کے واقعہ کا فوری نوٹس لیتے ہوئے اے ایس پی سریاب عمران شیخ کی سربراہی میں کمیٹی تشکیل دیدی جو مختلف پہلوؤں کا جائزہ لے گی،.

متعلقہ پولیس انتظامیہ کو ہدایت کی گئی ہے کہ واقعہ میں ملوث ملزمان کو فوری گرفتار کرے۔ اس سے پہلے بلوچستان کے علاقے چمن ،دالبندین اور کوئٹہ میں خواتین پر تیزاب پھینکے جانے کے واقعات رونما ہوچکے ہیں جس پر بلوچستان کے سیاسی سماجی اور قبائلی حلقوں نے سخت رد عمل کا اظہار کرتے ہوئے ان کو اسلامی اقدار ،اور قبائلی روایات کے منافی قرار دیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top