site
stats
ورلڈ کپ 2015

کوارٹرفائنل تک رسائی: پاکستان کوآئرلینڈ کیخلاف فتح درکار

کراچی : پاکستان نے جنوبی افریقہ کو ڈھیر کرکے ناک آؤٹ مرحلے میں رسائی کی امیدیں مزید روشن کرلیں۔ کوارٹر فائنل میں پہنچنے کیلئے پاکستان کو آئرلینڈ کیخلاف فتح درکار ہوگی۔

شاہینوں نے جنوبی افریقہ کو ہرا کرکوارٹر فائنل میں پہنچنے کی امیدیں مزید روشن کرلی، کوارٹرفائنل میں پہنچنے کیلئے قومی ٹیم کو ڈو اینڈ ڈائی میچ میں آئرلینڈ کیخلاف یقینی جیت درکار ہوگی۔

میچ ڈرا یا ٹائی ہونے کی صورت میں بھی پاکستان ناک آؤٹ مرحلے میں پہنچ جائے گا۔ پاکستان ٹیم پول بی میں چھ پوائنٹس کے ساتھ تیسرے نمبر پر ہے۔ قومی ٹیم آخری میچ میں کامیاب رہی تو کوارٹر فائنل میں شاہینوں کا مقابلہ آسٹریلیا سے ہو سکتا ہے۔

شکست کی صورت میں قومی ٹیم ٹورنامنٹ سے باہر بھی ہوسکتی ہے، کوارٹر فائنل میں چوتھی ٹیم کا فیصلہ آئرلینڈ اور ویسٹ انڈیز میں سے ہوگا۔ آئرلینڈ چھ پوائنٹس کے ساتھ چوتھے اور ویسٹ انڈیز کی ٹیم چار پوائنٹس کے ساتھ پانچویں نمبر پر براجمان ہیں۔

ویسٹ انڈیز آخری میچ میں یو اے ای کو ہرا کر چھ پوائنٹس کر سکتا ہےاور اگر آئرلینڈ کو بھارت اور پاکستان سے شکست ہوئی تو آئرلینڈ اور ویسٹ انڈیز میں سے ایک ٹیم کا فیصلہ رن ریٹ کی بنیاد پرہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top