کوارٹر فائنل: 394 رنز کے تعاقب میں ویسٹ انڈیز کی بیٹنگ جاری -
The news is by your side.

Advertisement

کوارٹر فائنل: 394 رنز کے تعاقب میں ویسٹ انڈیز کی بیٹنگ جاری

ویلنگٹن:  ورلڈ کپ کے چوتھے کوارٹر فائنل میں نیوزی لینڈ اور ویسٹ انڈیز آمنے سامنے ہیں۔

ورلڈ کپ کی سیمی فائنل لائن اپ آج مکمل ہوجائے گی، آخری کوارٹرفائنل میں نیوزی لینڈ نے ویسٹ انڈیز کو جیت کیلئے تین سو چورانوے رنز کے ہدف دیدیا، 394 رنز کے بڑے ہدف کے تعاقب میں ویسٹ انڈیز کی بیٹنگ جاری ہے۔

اب تک ویسٹ انڈیز نے چار وکٹوں کے نقصان پر 101 رنز بنالیے ہیں۔

ویسٹ انڈیز کے چارلس اور سمنز کو ٹرینٹ بولٹ نے آؤٹ کیا جبکہ سیموئلز نے جارحانہ اننگز کھیلتے ہوئے ڈینیئل ویٹوری کے کیچ کے نتیجے میں آؤٹ ہوئے۔

رام دین کو بولٹ نے ایل بی ڈبلیو کر کے اپنی 19ویں وکٹ لی، بولٹ ٹورنامنٹ میں سب سے زیادہ وکٹیں لینے والے بولر بھی بن گئے ہیں۔

ویسٹ انڈیز کی جانب سے کرس گیل جارحانہ انداز میں بیٹنگ کررہے ہیں، گیل نے ایک اوور میں لگاتار تین چھکے لگائے ۔

ویلنگٹن میں نیوزی لینڈ نے ٹاس جیت کر پہلے بیٹنگ کا فیصلہ کیا، کیوی کپتان برینڈن میککلم بڑی اننگز نہ کھیل سکے اور بارہ رنز بنا کر آؤٹ ہوگئے، ولیمسن 33 رنز بنا سکے۔

نواسی رنز پر دو وکٹیں گرنے کے بعد گپتل اور ٹیلر نے دھواں دھار بیٹنگ کرتے ہوئے تیسری وکٹ کیلئے ایک سو تینتالیس رنز کی شراکت قائم کی۔

 گپتل نے ویسٹ انڈین بولرز کو دن میں تارے دکھا دیئے، چھکے اور چوکوں کی برسات کردی، نیوزی لینڈ نے گپتل کی جارحانہ بیٹنگ کی بدولت مقررہ پچاس اوورز میں چھ وکٹوں پر تین سو ترانوے رنز بنائے، گپتل  237 رنز کی دھواں ھار اننگز کھیلی اور ناٹ آؤٹ رہے۔

گپتل نے ویسٹ انڈیز کے کرس گیل کا ورلڈ کپ مقابلوں میں سب سے بڑی اننگز کا ریکارڈ بھی توڑ دیا، گیل نے اسی ورلڈ کپ میں 215 رنز بنا کر یہ ریکارڈ بنایا تھا۔

میچ کی فاتح ٹیم سیمی فائنل میں جنوبی افریقہ کا سامنا کرے گی۔

Comments

comments

یہ بھی پڑھیں