کورکمانڈرکراچی کی رینجرز کو کسی تفریق کے بغیر کارروائی کی ہدایت -
The news is by your side.

Advertisement

کورکمانڈرکراچی کی رینجرز کو کسی تفریق کے بغیر کارروائی کی ہدایت

کراچی: کورکمانڈر کراچی لیفٹیننٹ جنرل نوید مختار نے رینجرز کو دہشت گردوں کے خلاف کسی تفریق کے بغیر کارروائی کی ہدایت کردی ہے۔

کور کمانڈر کراچی لفٹیننٹ جنرل نوید مختار نے رینجرز ہیڈکواٹرز کا دورہ کیا، ڈی جی رینجر میجرجنرل بلال اکبر نے کور کمانڈر کراچی کو بریفنگ دی۔

جنرل بلال اکبر نے لیفٹیننٹ جنرل نوید مختار کوامن وامان کی صورتحال سے آگاہ کرتے ہوئے گزشتہ روز پکڑے جانے والا غیر ملکی جدید اسلحہ بھی دکھایا۔

بلال اکبر نے بتایا کہ شہر میں بلا امتیاز کارروائیاں کی جارہی ہیں۔

لیفٹیننٹ جنرل نوید مختار نے رینجرز کی کارروائیوں کو سراہتے ہوئے ہدایت کی شہر میں دہشتگردوں کے خلاف بلاامتیاز کارروائی کا سلسلہ جاری رکھا جائے، جرائم پیشہ عناصر کا خاتمہ یقینی بنایا جائے۔

Comments

comments

یہ بھی پڑھیں