site
stats
پاکستان

کوشش ہوگی کہ ایم کیو ایم اپوزیشن بنچوں پر نہ بیٹھے،آغا سراج درانی

کراچی: اسپیکر سندھ اسمبلی آغا سراج درانی کا کہنا ہے کہ  پیپلزپارٹی اور ایم کیو ایم کو مل کر بیٹھنا چاہیئے، معاملات بیٹھ کر ہی حل کیے جاسکتے ہے، دونوں جماعتوں غلط فہمی کا شکار ہے، میری کوشش رہے گی کہ ایم کیو ایم اپوزیشن بنچوں پر نا بیٹھے۔

اسپیکر سندھ اسمبلی آغا سرا ج درانی نے کہا ہےکہ متحدہ اور پیپلز پارٹی چاہیں تو وہ ثالث کا کردار ادا کرنے کو تیار ہیں۔

سندھ اسمبلی میں میڈیا سے گفتگو کرتے ہوئے اسپیکر سندھ اسمبلی آغا سرا ج درانی کا کہنا تھا کہ اسمبلی میں غیرجانبداری ہونی چاہیے، جب بھی غلط فہمی ہو تو مل بیٹھ کربات کرنی چاہیے۔

آغا سراج درانی نے کہا کہ حکومت اوراتحادی جماعتوں میں اتفاق ہوناچاہیے،ہمیں سندھ میں رہنا ہے، سندھ کی بہتری کیلئے مل کر کام کرنا ہے۔

انہوں نے کہا کہ بلدیاتی ترمیمی بل آگیا ہے اگرترمیم کی ضرورت ہوئی توکرسکتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top