کولمبو ٹیسٹ: سری لنکا نے سیریز 0-2 سے جیت لی -
The news is by your side.

Advertisement

کولمبو ٹیسٹ: سری لنکا نے سیریز 0-2 سے جیت لی

کولمبو : کولمبو ٹیسٹ میں بھی پاکستانی بیٹنگ لائن فلاپ ہوگئی، سری لنکا نے میچ میں ایک سو پانچ رنز سے کامیابی حاصل کرتے ہوئے سیریز میں کلین سوئپ کردیا، سری لنکا کے تجربہ کار بیٹسمین مہیلا جے وردھنے ٹیسٹ کرکٹ سے ریٹائر ہوگئے۔

گال کے بعد کولمبو میں بھی پاکستانی بیٹنگ لائن زمین بوس ہوگئی، رنگانا ہیراتھ کی گھومتی گیندوں نے پاکستانی بیٹسمینوں کو گھمادیا، ہیراتھ نے پاکستانی بیٹنگ لائن کو تہس نہس کرڈالا، کولمبو کے میدان میں ہیراتھ نے چودہ اور سیریز میں مجموعی طور پر تئیس وکٹیں حاصل کیں۔

سرفراز احمد کے علاوہ کوئی بھی بیٹسمین سیریز میں سری لنکن بولرز کا ڈٹ کر سامنا نہ کرسکا، کولمبو ٹیسٹ کی دوسری اننگز میں سرفراز نصف سینچری بنا کر آؤٹ ہوئے، سیریز میں پاکستانی وکٹ کیپر نے ایک سینچری اور تین نصف سینچریاں بنائیں۔

سرفراز بیٹنگ قومی ٹیم دوسری اننگز میں صرف ایک سو پینسٹھ رنز بناسکی، جنید خان انجری کے سبب بیٹنگ کے لئے نہیں آئے ، سری لنکا نے دو میچز کی سیریز میں پاکستان کو کلین سوئپ کردیا۔۔

میزبان بیٹسمین مہیلا جے وردھنے ٹیسٹ کرکٹ سے ریٹائر ہوگئے، میچ کے اختتام پر سری لنکن کھلاڑیوں نے جے وردھنے کو کاندھوں پر اٹھالیا۔

Comments

comments

یہ بھی پڑھیں