site
stats
انٹرٹینمںٹ

کوہلی نے انوشکا کیساتھ تعلقات کا اعتراف کرلیا

ممبئی: بھارتی کرکٹ کھلاڑی اور بلے باز ورات کوہلی نے پہلی بار تسلیم کیا ہے کہ فلم اداکارہ انوشکا شرما کے ساتھ ان کے تعلقات ہیں اور وہ دونوں ملاقاتیں کرتے ہیں تاہم گذارش کی ہے کہ یہ ان کی ذاتی زندگی ہے اور ان کی پرائیویسی کا احترام کیا جانا چاہیے، وہ اس بارے میں بات کرناپسندنہیں کرتے ۔

ایک پروگرام کے دوران میڈیا سے بات چیت کرتے ہوئے کوہلی نے کہا کہ اب جو کچھ بھی ہے ، سب کے سامنے ہیں ، کچھ چھپانے کی کوشش نہیں کررہے، لوگوں کو اس سے متعلق اب قیاس آرائی نہیں کرنی چاہیے لیکن یہ بھی نہیں چاہتے کہ بار با ر ایک ہی سوال پوچھا جائے اور دونوں کو لگتا ہے کہ یہ ٹھیک نہیں ۔

بھارتی ذرائع ابلاغ میں اداکارہ انوشکا شرما اور کوہلی کے درمیان تعلقات کے حوالے سے اکثر خبریں آتی رہی ہیں ، دونوں کو کئی بار ساتھ بھی دیکھا گیا جن کی تصویریں بھی شائع ہوئیں تاہم یہ پہلا موقع ہے کہ خود کوہلی نے اس کی تصدیق کی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top