site
stats
پاکستان

کپتان سے شادی کے بعد ریحام خان کو بھی کرکٹ فیور چڑھ گیا

برمنگھم : کپتان کی کپتانی میں ریحام خان بھی کپتان بن گئیں، ریحام خان کا کہنا ہے کہ  پاک بھارت ٹاکرے میں جیت پاکستان کی ہی ہوگی۔

کپتان سے شادی کے بعد ریحام خان کو بھی کرکٹ فیور چڑھ گیا ہے، ریحام خان کا کہنا ہے کہ پاکستانی ٹیم کسی بھی ٹیم کو دھول چٹانے کی صلاحیت رکھتی ہے۔

برمنگھم میں اے آر وائی نیوز سے بات کرتے ہوئے ریحام نے امید ظاہر کی کہ عالمی کپ میں پاکستانی ٹیم عمدہ کارکردگی کا مظاہرہ کرے گی، انکا کہنا تھا کہ پاکستانی ٹیم کے حوصلے بلند ہیں اور پوری قوم کی دعائیں پاکستان کے ساتھ ہیں۔

دوسری جانب ریحام خان کا کہنا تھا کہ دہشت گرد پاکستانی قوم کے حوصلے کبھی پست نہیں کرسکتے، آرمی پبلک اسکول حملے میں زخمی ہونے والے طالبعلم احمد نواز کو بہترین سہولیات فراہم کی جائینگی۔

یاد رہے کہ آرمی پبلک اسکول حملے میں زخمی طالبعلم احمد نواز علاج کیلئے برمنگھم میں ہیں، عمران خان کی اہلیہ ریحام خان نے اے آ روائی نیوزسے بات کرتے ہوئے بتایا احمد نواز کے علاج میں کوئی کسر نہیں چھوڑی جائیگی اور ہر ممکنہ سہولیات فراہم کی جائینگی

 ریحام خان نے پشاور امام بارگاہ کی مسجد میں دھماکے کی شدید مذمت کی اور کہا کہ دہشت گردوں سے نمٹنے کیلئے قوم کو ہمت سے کام لینا ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top