دبئی : ڈھاکہ ٹیسٹ میں سست رفتاری سے بولنگ کرانے پر کپتان مصباح الحق سمیت تمام کھلاڑیوں پر جرمانہ عائد کردیا گیا۔
ڈھاکا ٹیسٹ میں بنگال ٹائیگر کو ڈھیر کرنے والی پاکستان پر سلو اوور ریٹ کی پاداش میں جرمانہ عائد کردیا گیا، شاہینوں نے ٹیسٹ سیریز میں دورہ کی اکلوتی فتح حاصل کی اسی میں جرمانہ عائد کردیا گیا۔
آئی سی سی نے سست بولنگ کرنے پر کپتان مصباح الحق سمیت دیگر کھلاڑیوں پر جرمانہ عائد کردیا ہے۔
آئی سی سی کے اعلامیہ کے مطابق پاکستان ٹیم نے مقررہ وقت میں دو اوورز کم کرائے، جس کے بعد میچ ریفری جیف کرو نے جرمانہ عائد کرنے کا فیصلہ کیا۔
سلو اوور ریٹ کے باعث مصباح الحق پر میچ فیس کا چالیس فیصد اور کھلاڑیوں پر بیس فیصد جرمانہ لگایا گیا ہے۔
فاسٹ بولر عمران خان کو کوڈ آف کنڈکٹ کی خلاف ورزی کرنے پر تنبہ کی گئی ہے، عمران خان نے دوسری اننگز میں تمیم اقبال کو آؤٹ کرنے کے بعد غیر اخلاقی اشارہ کیا، جس پر آئی سی سی نے انھیں وارننگ دی۔
