کچھ نئے چہروں کیلئے جیلوں میں صفائی کروارہے ہیں،منظور وسان -
The news is by your side.

Advertisement

کچھ نئے چہروں کیلئے جیلوں میں صفائی کروارہے ہیں،منظور وسان

کراچی : سندھ کے وزیربرائے جیل خانہ جات منظور وسان نے کہا ہے کہ کچھ دنوں میں نئے چہرے بڑے گھر یعنی جیل آرہے ہیں جس کیلئے جیلوں میں صفائی کرارہے ہیں۔

اپنے دفتر میں میڈیا سے بات کرتے ہوئے منظور وسان کاکہنا تھا کہ وہ وزیراعلیٰ سندھ کو ایک سمری ارسال کریں گے جس میں نئے چہروں کو بی کلاس دینے کی درخواست کی جائے گی۔

ایک سوال کے جواب میں ان کا کہنا تھا کہ بلاول بھٹو زرداری کی مسلم لیگ میں شمولیت کا مذاق کرنے والے لوگ خود  ایک عرصے سے پیپلزپارٹی میں شمولیت کیلئے درخواستیں لیکر کھڑے ہوئے ہیں۔

منظور وسان کاکہنا تھا کہ دو ہزارپندرہ امن کا سال ہوگا جس میں اپوزیشن کی شدت ختم ہوگی تاہم دو ہزار سولہ میں مشکلات بڑھ سکتی ہیں۔

ان کاکہنا تھا کہ  سیکورٹی صورتحال کو بہتر بنانے کیلئے کراچی، حیدرآباد اورسکھر کی جیلوں کو بم پروف کیا جارہا ہے۔

Comments

comments

یہ بھی پڑھیں