site
stats
عالمی خبریں

کھٹمنڈو : پاک فوج کی ٹیم دیگرممالک کے ساتھ متاثرین کی بحالی میں مصروف

نیپال:  زلزلے سے متاثرہ علاقوں میں امدادی کارروائیاں جاری ہیں، پاک فوج کی ٹیم دیگرممالک کے ساتھ متاثرین کی بحالی میں مصروف ہے۔

نیپال میں قیامت خیز زلزلے کے بعد امدادی کاموں کا سلسلہ جاری ہے، دنیا بھر سے امدادی سامان نیپال بھیجا جا رہا ہے اور ٹیمیں نیپال میں بحالی کے کاموں میں حصہ لے رہی ہیں۔

پاک فوج کی جانب سے بھی زلزلہ زدگان کےلئے امدادی کارائیاں جاری ہیں۔

آئی ایس پی آر کے مطابق پاک فوج کے ڈاکٹر اورپیرامیڈیکل اسٹاف مریضوں کو طبی امداد دے رہے ہیں جبکہ انجینئرز امدادی کاموں میں مصروف ہیں۔

اقوا م متحدہ نے عالمی برادری سے اکتالیس کروڑ ڈالرامداد کی اپیل کی ہے، عالمی اداروں کا کہنا ہے کہ متاثرہ علاقوں میں اسیّ لاکھ افراد پانی کی کمی اورغذائی قلت کا شکار ہیں۔ امریکا،برطانیہ، چین،بھارت اوردیگرملکوں سے نیپال میں امداد کی فراہمی کا سلسلہ جاری ہے۔

نیپالی حکام کے مطابق بڑے پیمانے پر تباہی کے بعد بحالی کے عمل میں کافی وقت لگے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top