کیسینو صرف کھانا کھانے گیا تھا، جواء کھیلنے نہیں، معین خان -
The news is by your side.

Advertisement

کیسینو صرف کھانا کھانے گیا تھا، جواء کھیلنے نہیں، معین خان

لاہور: پاکستان کرکٹ ٹیم کے چیف سلیکٹرمعین خان نے کہا ہے کہ میں کیسینو ضرور گیا تھا صرف کھانا کھانے کیلئے  لیکن وہاں جاکرجواء نہیں کھیلا۔

یہ بات انہوں نے پی سی بی کو بھیجی گئی ای میل میں کیا۔ تفصیلات کے مطابق چیف سلیکٹرپی سی بی معین خان نے اے آر وائی کی خبر کی تصدیق کردی۔

پی سی بی کو ای میل کئے گئے اپنے وضاحتی بیان میں انہوں نے اعتراف کرلیا کہ میں کیسینو صرف کھانا کھانے کیلئے گیا تھا، وہاں جاکر جواء نہیں کھیلا۔

انہوں نے اپنے پہلے بیان کہ ’’میں کھلاڑیوں کو چیک  کرنے گیا تھا” پر معافی بھی مانگ لی۔ اب پاکستان کرکٹ بورڈ اس بات کا فیصلہ کرے گا کہ قانون کے مطابق کیا کارروائی کی جائے۔

جبکہ چئرمین پی سی بی شہر یار خان کا کہنا ہے کہ اگر معین خان جواء کھیلنے کے حوالے سے قصور وار پائے گئے تو تو سخت تادیبی کارروائی کی جائے گی۔

اس حوالے سے سابق ٹیسٹ کرکٹرباسط علی کا کہنا ہے کہ معین خان کا ما ضی بے داغ ہے، انہوں نے جو بیان دیا وہ سچ ہے۔

Comments

comments

یہ بھی پڑھیں