The news is by your side.

Advertisement

ڈنڈا بردارشریعت قبول نہیں ہے، پروفیسرساجدمیر

اسلام آباد: پارلیمنٹ کے مشترکہ اجلاس سے خطاب کرتے ہوئے جمعیت اہلحدیث کےسربراہ سینیٹرعلامہ ساجد میر کا کہنا تھا کہ کیل لگی ڈنڈا برادرشریعت قبول نہیں۔

علامہ ساجد میر نے آزادی اور انقلاب مارچ کےنام پردھرنوں کوغلط مقاصد کیلئے، غلط طریقے سے اور بے موقع قرار دیا ہے، خطاب کے دوران ان کا کہنا تھا کہ اس وقت قوم، فوج اور حکومت ایک مشکل جنگ میں مشغول ہیں، ہماری توجہ آئی ڈی پیز پر ہونی چاہیے۔

ان کا کہنا تھا کہ دھرنوں کی آڑ میں آئین، قانون اور اسلامی اخلاقی اقدار کی دھجیاں اڑائی جا رہی ہیں۔

عمران خان پر تنقید کرتے ہوئے ان کا کہنا تھا کہ کپتان کے پی کے میں رنز بنانے کےبجائے باؤنسر پر باؤنسر، نوبال پر نوبال پھینک رہے ہیں،  انکی گفتگو اور سیاست دونوں فاؤل پلے ہے۔

علامہ ساجد میر نے سراپا احتجاج رہنماؤں پرکڑی تنقید کرتے ہوئےکہا کہ دونوں رہنما زبردستی اپنا نظام ہم پر مسلط کرنا چاہتے ہیں۔

Print Friendly, PDF & Email

Comments

comments

یہ بھی پڑھیں