site
stats
صحت

کینو کھانے سے آنکھیں ٹھیک رہتی ہیں

آج کل کینو کا موسم ہے، ماہرین طب کا کہنا ہے کہ کینو کا باقاعدگی سے استعمال آنکھوں کی بہتری میں اہم کردار ادا کرتا ہے۔

ماہرین کے مطابق ایسی غذائیں جن میں وٹامن سی اور ای موجود ہوتے ہیں ان کو باقاعدہ کھانے سے آنکھوں کے امراض سے محفوظ رہا جاسکتا ہے اور ان سے نظام ہضم بہتر ہوجاتا ہے۔

تحقیق کے مطابق کینو وٹامن ای سے بھرپور ہوتا ہے۔ جو آنکھوں کے ٹشوز کیلئے بہت اہم ہے، اس کا روزانہ استعمال موتیے جیسی بیماریوں کا راستہ روکنے میں مددگار ہوتا ہے،اگر آپ اپنی نظر تیز رکھنا چاہتے ہیں تو روز ایک کینو کھانے کی عادت ڈال لیں۔

کینو میں میں وٹامن سی بھی وافر مقدار میں موجود ہوتا ہے، جس سے چہرے پر قدرتی نکھار پیدا ہوتا ہے، کینو خون صاف کرنے میں مدد دیتے ہیں اور وائرل انفیکشن سے بچاتے ہیں۔ یہ پھل جلد کو صحت مند بناتا ہے،اس سے دل، گردے اور پھیپھڑوں کے کینسر کے خلاف تحفظ ملتا ہے۔

کینو وٹامن سی سے بھرپور ہوتے ہیں اور اگر یہ روزانہ استعمال کئے جائیں تو آپ کے جسم کا مدافعتی نظام مضبوط ہوگا اور آپ بیماریوں سے محفوظ رہیں گے۔

انسان کی عمر جیسے جیسے بڑھتی ہے ویسے ویسے اس کی جلد بھی ڈھلکنا شروع ہو جاتی ہے۔ کینو میں انٹی آکسیڈنٹ اور وٹامن سی ہوتی ہے جو انسانی جلد کے لئے مفید ہوتی ہے، اگر آپ روز کینو کھائیں گے تو جلد کے ڈھلکنے کا عمل سست ہوجائے گا اور آپ اپنی عمر سے کم نظر آئیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top