The news is by your side.

Advertisement

کینیڈین پارلیمنٹ پرحملہ ، حملہ آور مارا گیا

اوٹاوا: کینیڈا کے دارالحکومت اوٹاوا میں مسلح شخص پارلیمنٹ ہاوس میں گھس گیا، فائرنگ سے گارڈ ہلاک جبکہ حملہ آور مارا گیا، ملزم کی شناخت مائیکل زی ہاف کےنام سے ہوئی، ملزم حکومتی واچ لسٹ میں شامل اور چوری دھمکیوں کے الزام میں ساٹھ روز جیل کاٹ چکا تھا۔

کینیڈا کے شہر اوٹاوا میں مسلح شخص فائرنگ کرتا ہوا پارلیمنٹ ہاوس میں گھس گیا، جسے سیکیورٹی فورسز نے کارروائی کرتے ہوئے ہلاک کردیا جبکہ مسلح شخص کی فائرنگ سے زخمی ہونے والا فوجی دم توڑ گیا۔ فائرنگ کے وقت کینیڈا کے وزیراعظم اسٹیفن ہارپر پارلیمنٹ میں موجود تھے۔

واقعے کے بعد شہر میں لائبریریوں، فوجی اڈوں اور اسکولوں سمیت عوامی عمارتوں کو بند کر دیا گیا جبکہ وزیرِاعظم کی ملالہ یوسف زئی سے ملاقات اور اعزازی شہریت دینے کی تقریب بھی منسوخ کردی گئی۔

تین روز میں یہ دہشت گردی کا دوسرا واقعہ ہے۔

اس سے قبل ایک شخص نے تیزرفتار کار سے دو فوجیوں کو روند ڈالا تھا، واقعے سے قبل سوشل میڈیا پر متنازعہ بیانات میں دہشت گردی کا خطرہ ظاہر کیا گیا، جس پرحکام کی جانب سے سیکیورٹی سخت کردی گئی تھی۔

امریکی صدربراک اوباما نے کینیڈین وزیرِاعظم کو فون کرتے ہوئے ہوئے واقعے پر افسوس کا اظہار کیا، صدراوباما نے واقعےکی تحقیقات میں معاونت کی پیش کش بھی کی۔

Print Friendly, PDF & Email

Comments

comments

یہ بھی پڑھیں