The news is by your side.

Advertisement

کیوبا کا نام دہشتگردی کی معاون ریاستوں کی فہرست سے نکال دیاگیا

واشنگٹن: امریکہ نےباضابطہ طورپرکیوبا کا نام دہشتگردی کو فروغ دینے والی ریاستوں کی فہرست سےنکال دیا ہےجس کےبعددونوں ملکوں کےدرمیان سفارتی تعلقات کی بحالی کی راہ ہموارہوگئی ہے۔

امریکی صدرباراک اوبامانےرواں سال اپریل کے وسط میں اعلان کیا تھاکہ وہ کیوباکانام مذکورہ فہرست سےنکال دیں گے،صدراوباما کے اعلان کے بعد کانگریس کے پاس اس اقدام کوروکنےکےلئے پینتالیس روزکی آئینی مدت تھی جوانتیس مئی کوختم ہوگئی ہے۔

 کیوباکا نام دہشتگردی کی معاون ریاستوں کی فہرست سےنکالنے کااعلان جمعےکوامریکی محکمۂ خارجہ نےکیا۔

محکمہ خارجہ کا کہنا ہےکہ کیوباکی کئی پالیسیوں اوراقدامات پرامریکہ کواب بھی تحفظات ہیں لیکن یہ اختلافات کیوباکودہشتگردوں کی معاون ریاستوں کی فہرست سےنکالنےکی راہ میں رکاوٹ نہیں۔

کیوبا کے اخراج کےبعد اب اس فہرست میں شام، سوڈان اور ایران کے نام بچے ہیں۔

Comments

comments

یہ بھی پڑھیں