کیویز نے رنز کا پہاڑ کھڑا کردیا،شاہین بے بس -
The news is by your side.

Advertisement

کیویز نے رنز کا پہاڑ کھڑا کردیا،شاہین بے بس

نیپئیر : نیوزی لینڈ نے پاکستان کے خلاف ون ڈے میں سب سے بڑا ٹوٹل بنالیا۔ نیپئیر میں کیوی بیٹسمینوں نے رنز کا پہاڑ کھڑا کردیا۔ تفصیلات کے مطابق نیپئیر میں نیوزی لینڈکی ٹیم رنز کی مشین بن گئی۔

نیوزی لینڈ کی بیٹنگ لائن کا سونامی پاکستانی بولرز کو بہا لے گیا۔ ٹاس جیتنے کے بعد کیوی بیٹسمین پاکستانی بولرز پر بری طرح جھپٹے۔ میزبان ٹیم نےخوب لاٹھی چارج  کیا ۔

میککلم کے آؤٹ ہونے کے بعد بلیک کیپس کو روکنا مشکل ہوگیا۔ ولیمسن اور گپتل نے پاکستانی بولرز کی درگت بنادی۔ ولیمسن نے سینچری بنائی۔ روز ٹیلر بھی فارم میں آگئے۔

ٹیلر نے ناٹ آؤٹ ایک سو دو رنز کی اننگز کھیلی۔ بلیک کیپس نے مقررہ پچاس اوورز میں پانچ وکٹوں پر تین سو انہتر رنزبنائے۔ جو ان کا پاکستان کے خلاف بہترین اسکور ہے۔

پاکستان کی خراب فیلڈنگ بھی بڑے اسکور کا سبب بنی۔ مصباح الحق نے میچ میں سات بولرز کو آزمایا۔ محمد عرفان نے باون، بلاول بھٹی نے ترانوے، شاہد آفریدی نے ستاون، احسان عادل نے ارسٹھ اور حارث سہیل نے سینتالیس رنز دیئے۔

Comments

comments

یہ بھی پڑھیں