The news is by your side.

Advertisement

کیٹ اپریل میں شاہی خاندان کے دوسرے وارث کوجنم دیں گی

لندن:شہزادہ ولیم کی بیوی نے اپریل کے وسط میں شاہی خاندان کو ایک اوروارث دینے کااعلان کردیا،اس بات کا اظہار انہوں نے گذشتہ روزچلڈرن سنٹر کے دورے کے دوران کیا۔

کیٹ مڈلٹن نے ساؤتھ ایسٹ لندن کے چلڈرن سنٹر کی رضا کار سے گفتگو کرتے ہوئے اس بات کو آشکارکیا۔

رضاکارکرسٹین اوسبورن نے میڈیا سے گفتگو کرتے ہوئے بتایا کہ اس نے شہزادی سے کہا کہ وہ بہت خوبصورت ہیں ، پھران کے ہاں بچے کی ولادت سے متعلق سوال کیا تو انہوں نے بتایا کہ ان کے ہاں اپریل کے وسط میں ولادت متوقع ہے۔

فرانسیسی خبررساں ادارے نے جب کینسنگٹن پیلس کے حکام سے اس معاملے میں رابطہ کی تو انہوں نے کسی بھی قسم کا تبصرہ کرنے سے انکار کردیا۔

کیٹ مڈلٹن پہلے ہی شاہی خاندان کو ایک وارث دے چکی ہیں، پرنس جارج اس وقت 18 ماہ کے ہیں اور اپنے والد شہزادہ ولیم کے بعد تخت کے لئے امیدوار بھی ہیں۔ شاہی حکام نے ستمبر میں اعلان کیا تھا کہ کیٹ امید سے ہیں۔

Print Friendly, PDF & Email

Comments

comments

یہ بھی پڑھیں