The news is by your side.

Advertisement

کے پی میں دھاندلی، سیاسی جماعتوں کا الیکشن کمیشن سے نوٹس کا مطالبہ

پشاور: خیبرپختونخواہ میں بلدیاتی انتخابات میں شامل تقریباً تمام سیاسی جماعتوں نے دھاندلی کا الزام عائد کرتے ہوئے الیکشن کمیشن سے نوٹس لینے کا مطالبہ کردیا ہے۔

خیبرپختونخواہ میں گزشتہ روزبلدیاتی انتخابات کا انعقاد ہوا جس میں دھاندلی کے خلاف احتجاج کرنے والی حکومتی جماعت پاکستان تحریک انصاف پرپیپلزپارٹی، جمعیت علمائے اسلام، مسلم لیگ ن، ایم کیو ایم سمیت تقریباً تمام جماعتوں نے دھاندلی کا الزام عائد کیا ہے۔

سابق صدر آصف زرداری نے خیبرپختونخواہ میں بلدیاتی انتخابات کے دوران وزیراعلیٰ خیبرپختونخواہ پرویزخٹک پردھاندلی میں ملوث ہونے کا الزام عائد کرتے ہوئے الیکشن کمیشن سےان کے خلاف کارروائی کا مطالبہ کیا۔

جمعیت العلمائے اسلام کے سربراہ مولانا فضل الرحمان نے صوبائی حکومت پربلدیاتی دھاندلی کا الزام عائد کرتے ہوئے کہا ہے کہ تحریک انصاف کے برقع پوش بیلٹ پیپر پرٹھپے لگاتے رہے۔

مسلم لیگ ن خیبرپختونخوا کے رہنما پیرصابر شاہ نے صوبائی حکومت کو آڑے ہاتھوں لیتے ہوئے کہا ہے کہ حکومت نے سری کوٹ ہری پورمیں ہزاروں افرادکو ووٹ کےحق سےمحروم کردیا۔

ایم کیوایم کےقائدالطاف حسین کا کہنا تھا خیبرپختونخوا میں بلدیاتی انتخابات کےدوران متعددعلاقوں میں خواتین کو ووٹنگ سے روکا گیا،انہوں نے مطالبہ کیا ہے کہ خیبرپختونخوا کے بلدیاتی انتخابات کو کالعدم قراردیا جائے اور غیرجانبدار مبصرین کی نگرانی میں کرائے جائیں۔

Comments

comments

یہ بھی پڑھیں