کے پی کےمیں بلدیاتی انتخابات کی تیاریاں مکمل ہیں،عنایت اللہ خان -
The news is by your side.

Advertisement

کے پی کےمیں بلدیاتی انتخابات کی تیاریاں مکمل ہیں،عنایت اللہ خان

لاہور: خیبر پختونخوا کے سینئر وزیر بلدیات عنایت اللہ خان نے کہا ہے کہ صوبے میں بلدیاتی انتخابات کی تیاریاں مکمل ہیں انتخابات جماعتی بنیادوں پر کروائے جائیں گے۔

مینار پاکستان پرجماعت اسلامی کے اجتماع سے خطاب کرتے ہوئے عنایت اللہ خان کا کہنا تھا کہ الیکشن کمیشن نے کے پی کے میں بائیو میٹرک سسٹم کے ذریعے انتخابات کرانے سے معذوری ظاہر کی ہے۔

خیبر پختونخوا حکومت کی جانب سے انتخابات کی تیاریاں مکمل ہیں، بلدیاتی انتخابات کے بعد ضلعی حکومت کو صوبائی بجٹ سے حصہ ملے گا۔

اجتماع سےامیر جماعت اسلامی کراچی حافظ نعیم الرحمان نے خطاب کرتے ہوئے کہا کہ ٹارگٹ کلرز نے کراچی کی روشنیوں کو دھندلا دیا ہے،بلیک واٹر کیا را اور موساد کو مقامی طور پر ایجنٹس میسر ہیں۔

حافظ نعیم الرحمان نےکہا کہ وزیر اعظم کراچی کی طرف توجہ دیں جہاں جعلی مینڈیٹ کے ذریعے دہشت گردوں کو جتوایا جاتا ہے،دہشت گردوں کی جگہ اسمبلی نہیں جیل ہونی چاہیے۔

انہوں نے کہا کہ کراچی میں جہاد اسلحے سے نہیں کریں گے، جماعت اسلامی جہاد امریکہ اور بھارت کے خلاف کرے گی۔

Comments

comments

یہ بھی پڑھیں