گال:پاک سری لنکا کی ٹیموں کی بھرپور نیٹ پریکٹس -
The news is by your side.

Advertisement

گال:پاک سری لنکا کی ٹیموں کی بھرپور نیٹ پریکٹس

گال :پاکستان کرکٹ ٹیم نے پہلے ٹیسٹ سے قبل گال کرکٹ میں بھرپور ٹریننگ کی۔ پاکستان اور سری لنکا کے درمیان پہلا ٹیسٹ بدھ سے شروع ہوگا۔ پاکستان کرکٹ ٹیم نے ٹیسٹ اور ون ڈے سیریز کھیلنے کے لئے سری لنکا میں پڑاؤ ڈال لیا ہے۔پہلے ٹیسٹ سے قبل کھلاڑی گال میں خوب نیٹ پریکٹس کررہے ہیں ۔ سری لنکا نے پاکستان کو قابو کرنے کے لئے حکمت عملی ترتیب دینا شروع کردی ہے۔

میزبان ٹیم پہلے ٹیسٹ  میں ایک اسپنر کے ساتھ میدان میں اترنے کی تیاری کررہی ہے۔ رنگانا ہیراتھ اوردلررواں پریرا میں سے ایک اسپنر ٹیم کا حصہ ہوگا۔ پاکستانی بلے بازلیفٹ آرم اسپنر ز کو مشکل سے کھیلتے ہیں ایسے میں رنگا نا ہیراتھ ٹیم میں جگہ برقرار رکھ سکتے ہیں ۔

ہیراتھ نے جنوبی افریقہ کے خلاف کولمبو ٹیسٹ میں نو وکٹیں حاصل کیں تھیں۔ قومی ٹیم دوہزار بارہ کے بعد سری لنکا کے دورے پر ہے۔ رواں سال دونوں ٹیموں کے درمیان متحدہ عرب امارات میں کھیلی جانے والی ٹیسٹ سیریز ڈرا رہی تھی۔

Comments

comments

یہ بھی پڑھیں