The news is by your side.

Advertisement

گال ٹیسٹ:سری لنکا نے دووکٹوں پردوسوباون رنزبنالئے

گال ٹیسٹ :پاک سری لنکا ٹیسٹ میچ کے  تیسرے روز بھی بلے باز چھائے رہے۔ سری لنکن بیٹسمین کمار سنگاکارا کی شاندار سنچری نے میچ کو ڈرا کی جانب موڑ دیا ہے۔ کھیل کے اختتام پر سری لنکا نے دووکٹوں پر دو سو باون رنز بنالئے۔ گال ٹیسٹ کا تیسرا روز بھی بلےبازوں اور پھر بارش کے نام رہا۔ کمار سنگاکارا اور مہیلا جے وردھنے نے بولرز کی ایک نہ چلنے دی۔

سعید اجمل ،جنید خان اور عبدالرحمان کو لاکھ کوششوں کے باوجود لنکا ڈھانے کے مشن میں کامیابی نہ مل سکی۔ تیسرے روز سری لنکا نے پہلی نامکمل اننگز ایک وکٹ ننانوے رنز پر شروع کی تو کوشال سلوا نے چونسٹھ رنز پر محمد طلحہ کی گیند پر وکٹ دے بیٹھے۔ دوسری جانب کمار سنگاکارا چٹان کی طرح بولرز کے سامنے ڈٹے رہے۔

کمار سنگاکارا نے جے وردھنے کے ساتھ مل کر پاکستانی بولرز کی جم کر پٹائی کی۔ سنگاکارا نے شاندار بیٹنگ کرتے ہوئے کیرئیر کی سینتیسویں سنچری اسکور کی۔ بارش کے باعث تیسرے روز چوالیس اوورز کا کھیل ممکن نہ ہوسکا۔ کھیل کے اختتام پر سری لنکا نے دو وکٹوں پر دو سو باون رنز بنالئے ہیں۔ سنگاکارا ایک سو دو اور جے وردھنے پچپن رنز پر کریز پر موجود ہیں۔

Print Friendly, PDF & Email

Comments

comments

یہ بھی پڑھیں