گال ٹیسٹ, پاکستان261رنز کے ساتھ اننگز کا دوبارہ آغاز کرے گا -
The news is by your side.

Advertisement

گال ٹیسٹ, پاکستان261رنز کے ساتھ اننگز کا دوبارہ آغاز کرے گا

گال : گال ٹیسٹ میں پاکستان دو سو اکسٹھ رنز کے ساتھ اننگز کا دوبارہ آغاز کرے گا، پہلا روز پاکستانی بلے باز یونس خان کے نام رہا۔

گال ٹیسٹ میں پاکستان ٹیم کے سب سے تجربے کار کھلاڑی یونس خان نے کمال کیا، یونس خان نے مشکلات سے گھیری پاکستانی بیٹنگ لائن کو نہ صرف سنھبالا بلکہ تباہی سے بچاتے ہوئے کیرئیر کی چوبیسویں سنچری بھی بنا ڈالی۔

پاکستانی کپتان مصباح الحق نے ٹاس جیت کر بیٹنگ کا فیصلہ کیا لیکن ٹاپ آڈر نے مصباح کے فیصلے کی لاج نہ رکھی، احمد شہزاد، خرم منظور اور اظہر علی یکے بعد دیگرے  پویلین واپس لوٹ گئے، چھپن رنز پر تین کھلاڑیوں کے آؤٹ ہوجانے کے بعد یونس خان اور مصباح الحق نے سو رنز کی شراکت قائم کرکے پاکستان کو تباہی سے نکالا۔

مصباح اکتیس رنز پر بنا کر ہیراتھ کا شکار بنے، پھر یونس خان نے اسد شیفق کے ساتھ مل دن کے اختتام تک کوئی وکٹ نہ گرنے دی اور پاکستان کا اسکور چار وکٹ پر دو سو اکسٹھ تک پہنچا دیا۔

Comments

comments

یہ بھی پڑھیں