The news is by your side.

Advertisement

گرجا گھروں کی سیکورٹی دگنی کرنے کے احکامات

پاکستان ایکس سروس مین ایسوسی ایشن (پیسا) کے صدر جنرل ریٹائرڈ علی قلی خان نے کرسمس سے قبل گرجا گھروں کی سیکورٹی دگنی کرنے کے احکامات جاری کر دئیے ہیں تاکہ امن و امان یقینی اور دہشت گردی کے کسی بھی ممکنہ واقعے کی روک تھام کی جاسکے۔

یہ فیصلہ سابق عسکری قیادت کے ایک اجلاس میں کیا گیا، جس میں دہشت گردی کے حالیہ واقعات پر گہرے دکھ کا اظہار کرتے ہوئے کہا گیا کہ اقلیتوں کی حفاظت ہر پاکستانی کا فرض ہے، جس میں کوئی کوتاہی نہیں ہونی چائیے۔

اجلاس میں پشاور چرچ دھماکہ کے بعد سابق فوجیوں کی جانب سےعیسائیوں کے حفاظتی اقدامات کو تسلی بخش قرار دیتے ہوئے کرسمس کے موقع پر سیکورٹی دگنی کرنے کا فیصلہ کیا گیا۔

جس پر اجلاس میں موجود سابق فوجیوں پر مشتمل دو بڑی نجی سیکورٹی کمپنیوں کے مالکان نے فوری رضامندی ظاہر کر دی، سابق عسکری ماہرین نے کہا کہ اقلیتوں تمام تر حقوق کی حفاظت، مذہبی آزادی، حفاظت اور تحفظ سب کا فرض ہے اور علماء کو اس سلسلہ میں آگے بڑھ کر اپنا کردار ادا کرنے اور عوام کو سب کے عقائد کی عزت کرنے کا درس دینے کی ضرورت ہے۔

Comments

comments

یہ بھی پڑھیں