گلگت بلتستان: میرشکیل الرحمان و دیگرملزمان اشتہاری قرار -
The news is by your side.

Advertisement

گلگت بلتستان: میرشکیل الرحمان و دیگرملزمان اشتہاری قرار

گلگت بلتستان : انسداد دہشتگردی کی عدالت نے جیو، جنگ گروپ کے سربراہ میرشکیل الرحمن سمیت دیگرملزمان کو اشتہاری قراردیتے ہوئے ان کی جائیدادیں ضبط کرنے کے احکامات جاری کر دیئے ہیں۔

گلگت بلتستان کی انسداد دہشتگردی کی عدالت نے پچیس اگست کو میرشکیل الرحمان اور شائستہ لودھی سمیت دیگرملزمان کوعدالت کے روبرو پیش ہونے کے احکامات جاری کئے تھے لیکن ملزمان عدالت میں حاضر نہ ہوئے، جس پر انسدداد دہشتگردی کی عدالت نے جیو جنگ گروپ کے سربراہ میرشکیل الرحمان، شائستہ لودھی ، وینا ملک اور اسد ملک کو اشتہاری قرار دیدیا ہے۔

عدالت نے کمشنر کراچی، کمشنر راولپنڈی اور ڈپٹی کمشنر اسلام آباد کواحکامات جاری کئے ہیں کہ میر شکیل الرحمان سمیت دیگر ملزمان کی جائیدادوں کو بھی قرق کرکے رپورٹ آئندہ ماہ کی سات تاریخ کو پیش کی جائے۔

عدالت کا کہنا تھا کہ میر شکیل الرحمان جان بوجھ کر عدالت میں پیش نہیں ہو رہے، عدالت گیارہ ستمبرکو ملزمان پر فرد جرم عائد کرے گی۔

Comments

comments

یہ بھی پڑھیں