site
stats
اہم ترین

گلگت جیل سے فرار قیدوں کی تلاش، انتظامیہ کی دوڑیں لگ گئیں

گلگت : جیل سے فرار قیدیوں کے لئے سرچ آپریشن کا دائرہ بڑھا دیا گیا ، تین روز گزرگئے، سانحہ نانگا پربت کے مفرور قیدیوں کو جیسے آسمان کھا گیا یا زمین نگل گئی۔

گلگت ڈسٹرکٹ جیل سے فرار قیدیوں نے سیکیورٹی اداروں کو تھکا کر رکھ دیا۔ دن ہو یا رات اشتہاری بھگوڑوں کی تلاش میں سرچ آپریشن جاری ہے۔

جس کی نگرانی سیکریٹری داخلہ گلگت بلتستان سبطین احمد کر رہے ہیں۔ سرچ آپریشن کا دائرہ گلگت کے مضافات تک بڑھا دیا گیا ہے۔

مضافاتی علاقوں میں بھی سرچ آپریشن کیا گیا اورکئی مشکوک افراد کو حراست میں لے لیا گیا۔ قیدیوں کی تلاش کے لئے سراغ رساں کتوں سے بھی مدد لی جارہی ہے۔

سیکیورٹی اداروں نے جیل وارڈن سمیت عملے کے سات اہلکاروں کا ایک ہفتے کیلئے جسمانی ریمانڈ حاصل کر لیا ہے۔ قیدیوں کے فرارکے بعد ڈپٹی سپریڈنٹ جیل سمیت تمام عملے معطل کردیا گیا تھا ۔

حکومت نے ملزمان کے بارے میں معلومات پر بیس لاکھ روپے انعام  دینےکا اعلان کررکھا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top