site
stats
پاکستان

گوجرانوالہ: چھناواں ٹرین حادثہ، ریسکیوآپریشن تیسرے روز بھی جاری

گوجرانوالہ : چھناواں ٹرین حادثے کے بعد امدادی کام اب بھی جاری ہیں، نہر میں گرنے والی دوبوگیوں کو نکال لیا گیا ہے، ٹرین حادثے میں اٹھارہ افراد جاں بحق ہوئے تھے۔

چھناواں ٹرین حادثہ میں ریسکیوآپریشن تیسرے روز بھی جاری ہے، پاک فوج اور ریسکیو اہلکار امدادی کاموں میں مصروف ہیں، پاک فوج اور ریسکیواہلکار ٹرین کی بوگیوں اور انجن کو بڑی کرینوں کی مدد سے نہر سے نکالنے کے لیے اپریشن کر رہے ہیں، گذشتہ روز تمام لاشوں کو نہر سے نکال لیا گیا تھا، نہر میں گرنے والی دو بوگیوں کو نکال لیا گیا ہے جبکہ انجن اور ایک بوگی کو نکالنے کیلئے کوششیں کی جارہی ہیں۔

دوسری طرف محکمہ ریلوے کے ملازمین نے ریلوے ٹریک کی مرمت کا کام بھی شروع کردیا ہے۔

دوسری جانب وزیراعلیٰ پنجاب میاں شہباز شریف نے ٹرین حادثہ میں زخمیوں سے سی ایم ایچ گوجرانوالہ سرجیکل وارڈ میں ملاقات کی، شہباز شریف کو ٹرین حادثہ کے حوالے سے بریفنگ بھی دی گئی، کور کمانڈر گوجرانوالہ لیفٹیننٹ جنرل غیور محمود بھی موجود تھے۔

یاد رہے کہ جمعرات کو پنوعاقل سے کھاریاں جانے والی ٹرین گوجرانوالہ کے قریب حادثے کا شکار ہوگئی تھی، ٹرین میں پاک فوج کے دو سوجوان سوار تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top