اسلام آباد : گورنر پنجاب چوہدری محمد سرور اور وفاقی وزیرِاطلاعات پرویز رشید نے جمیعت علماء اسلام ف مولانا فضل الرحمان سے ملاقات کے دوران کوئٹہ میں حملے کی شدید الفاظ میں مذمت کی۔
اسلام آباد میں گورنر پنجاب چوہدری محمد سرور اور پرویز رشید نے مولانا فضل الرحمان کے گھر پر اُن سے الگ الگ ملاقات کی، ملاقات کے دوران گورنر پنجاب اور پرویز رشید نے مولانا فضل الرحمان کی خیریت دریافت اور حملے کی مذمت کی۔
کوئٹہ میں دو روز قبل خود کش حملہ آور نے مولانا فضل رحمان کی گاڑی کے سامنے آکر خود کو دھماکے سے اڑا دیا تھا، حملے میں مولانا فضل الرحمان بال بال بچ گئے تھے۔
