site
stats
انفوٹینمنٹ

گوگل نے کروم بک پکسل نامی نیا لیپ ٹاپ متعارف کرادیا

امریکہ : گوگل نے جدید فیچرز کے ساتھ کروم بک پکسل نامی نیا لیپ ٹاپ متعارف کرادیا ہے۔

یہ نیا لیپ ٹاپ ہائی ریزولوشن ٹچ اسکرین،انٹل کور آئی فائیو پروسیسر ،ایٹ جی بی ریم کے ساتھ ہے، اس لیپ ٹاپ میں یو ایس بی سی کی شکل میں نیا چارجنگ اسٹینڈرڈ بھی موجود ہے، یہ گوگل کے کروم آپریٹنگ سسٹم پر کام کرے گا۔

جس کے زریعے ڈیٹا اور اسکرین تصاویر کو یکساں پورٹ کے زریعے ٹرانسفر کیا جاسکتا ہے، اس لیپ ٹاپ کی سکرین کی ریزولوشن ایپل کے ریٹنا ڈسپلے کے برابر بتائی جاتی ہے، یہ ہائی ریزولوشن یا ریٹنا ڈسپلے ایک ایسا نظام ہے، جو سکرین پر تصویر کو بہت زیادہ قدرتی اور صاف دکھاتا ہے۔

گوگل کا دعوی ہے اس نئے لیپ ٹاپ کی بیٹری بارہ گھںٹے تک چل سکتی ہے۔

گوگل کے مطابق صارفین ٹچ ٹیکنالوجی چاہتے ہیں اس لئے ہم نے لیپ ٹاپ کو اس ٹیکنالوجی میں ڈھال دیا۔

یہ پہلی بار ہے کہ گوگل نے اپنا لیپ ٹاپ خود ڈیزائن کرکے تیار کیا ہے اور اس کا بنیادی مقصد ایپل کو سخت ٹکر دینا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top