The news is by your side.

Advertisement

گوگل کانٹیکٹ لینس، خون میں موجود شوگر کی مقدار جانچے گا

نیویارک : گوگل ایکس لیب نے ایک ایسے اسمارٹ کانٹیکٹ لینس کے منصوبے کا اعلان کیا ہے، جو ذیابطیس کے مریضوں کو ہر لمحے ان کے خون میں موجود شوگر کی مقدار سے آگاہ رکھے گا۔

دنیا بھر میں ذیابیطیس میں مبتلا افراد کو اپنے خون میں شکر کی سطح نوٹ کرنے میں دشواری کا سامنا کرنا پڑتا ہے۔ اگر جسم میں خون کی سطح کو مانیٹر نہ کیا جائے تو مستقبل میں ذیابیطس کے مریض کو آنکھوں، گردوں اور دل کی بیماریوں کا سامنا کرنا پڑ سکتا ہے۔

گوگل کے مطابق یہ اپنی نوعیت کے پہلے کانٹیکٹ لینس ہیں، جو خاص طور پر ذیابطیس کے مریضوں کے لئے تیار کئے جارہے ہیں۔

گوگل کے ماہرین کے مطابق یہ اسمارٹ کانٹیکٹ لینس دو تہوں پر مشتمل ہوگا، جن کے درمیان ایک وائرلیس چپ بمعہ انٹینا اور گلوکوز سینسر نصب ہوگا۔

یہ گلوکوز سینسر ہر بار آنکھ جھپکنے پر آنکھ میں موجود پانی میں گلوکوز کی مقدار کی پیمائش کرکے اسے وائرلیس چپ کی مدد سے قریب موجود ڈیوائس کو منتقل کریگا ۔

Print Friendly, PDF & Email

Comments

comments

یہ بھی پڑھیں