The news is by your side.

Advertisement

گھوٹکی: بم دھماکہ، 15 سالہ لڑکا جاں بحق

گھوٹکی : نواحی گاؤں میں بم دھماکہ سے ایک  15 سالہ لڑکا جاں بحق جبکہ ایک شدید زخمی ہوگیا، پولیس نے علاقے کو گھیرے میں لے کر سرچ آپریشن شروع کردیا ہے۔

گھوٹکی کا علاقہ صیفل کولاچی اس وقت دھماکے کی آواز سے گونج اٹھا، جب دو بھائی دستی بم کو بال سمجھ کر کھیل رہے تھے کہ اچانک بم دھماکہ ہوگیا۔

جس کے نتیجے میں پندرہ سالہ فدا حسین موقعے پر جاں بحق ہوگیا جبکہ اسکا بھائی وکیل احمد شدید زخمی ہوا، جسے بروقت اسپتال منتقل کردیا گیا، جہاں سے طبی امداد کے بعد زخمی کو تشویشناک حالت میں سکھر اسپتال منتقل کردیا گیا، دھماکے کے بعد بم ڈسپوزل اسکواڈ اور پولیس کی ٹیمیں جائے واقع پر پہنچ گئیں۔

پولیس کے مطابق دونوں بھائی نامعلوم مقام سے ملنے والے ایک دستی بم کو بال سمجھ کر کھیل رہے تھے کہ اچانک دھماکہ ہوگیا، جسکی آواز علاقے میں سنی گئی۔

Comments

comments

یہ بھی پڑھیں