The news is by your side.

Advertisement

گیس پریشرمیں کمی،گھروں میں چولہے ٹھنڈے پڑگئے،عوام پریشان

 پریشر میں کمی کے باعث عوام کو سخت اذیت کاسامنا ہے ۔کراچی سمیت ملک کے چھوٹے برے شہروں میں چولھے ٹھنڈے پڑ گئے۔ پاکستان میں لوڈ شیڈنگ کا دور دورہ ہے، بجلی کی لوڈ شیڈنگ کے ساتھ گیس کی بندش بھی معمول بن گئی ۔ایک جانب سردی بڑھی تو دوسری جانب گیس نے تنگ کرنا شروع کردیا۔

سی این جی کی بندش کو رونے والی عوام اب گھروں میں چولھے ٹھنڈے ہونے پر سخت پریشانی کا شکار ہے۔گیس کی بندش اور پریشر میں کمی کے باعث گھریلو صارفین کو سخت مشکلات کا سامنا ہے خواتین کو گھروں میں کھانا بنانے سمیت امور خانہ داری میں دقت اٹھانی پڑ رہی ہے۔گیس کی بندش کےباعث کوئی باہر کے غیر معیاری پکوان کھانے پر مجبور ہے تو کوئی مہنگے داموں خریدی گئی لکڑیوں کو جلا کرکھاناپکارہا ہے۔

کراچی لاہور اسلام آباد سمیت چھوٹے بڑے شہروں میں گیس کی بندش اور پریشر میں کمی نے گھروں کے چولھے ٹھنڈے کر دیئے ہیں۔عوام کا کہنا ہے حکمرانوں کے گرما گرم انتخابی نعروں کو بھی شاید ٹھنڈ کھا گئی ۔

سی این جی اسٹیشنز بندکر کےگھریلو صارفین کو گیس کی فراہمی حکومت اپنی اولین ترجیح گردانتی ہے لیکن یہ معاملہ تو ایک طرف رہا۔عوام اب اپنے گھروں میں چولھا جلانے کو بھی ترس رہے ہیں۔
    

Comments

comments

یہ بھی پڑھیں