The news is by your side.

Advertisement

ہائیڈل پاور کا بڑا حصہ کے پی کے کو مل رہا ہے، خواجہ آصف

اسلام آباد : وفاقی وزیر پانی و بجلی خواجہ آصف کا کہنا ہے کہ خیبر پختونخوا کے بیشتر مسائل حل کئے جاچکے ہیں۔ ہائیڈل پاور کا سب سے بڑا حصہ کے پی کے کو مل رہا ہے۔

وزیر پانی و بجلی خواجہ آصف نے پریس کا نفرنس کر تے ہوئے کہا کہ چاروں صوبوں میں توانائی کے منصوبوں پر تیزی سے کام ہورہاہے۔

کراچی کے تمام منصوبو ں کی حمایت کی جائے گی۔انہوں نے کہا کہ کے پی کے حکومت جو بھی منصوبہ لگانا چاہتی ہے وفاق تعاون کرے گا۔

لوڈ شیڈنگ کے حوالے سے انھوں نے کہا کہ بارش ہوجانے کے باعث اب لوڈ شیڈنگ میں کمی آئے گی ۔ جہاں سے وصولی نہیں ہورہی وہیں لوڈ شیڈنگ ہے۔

پاک چین اقتصادی راہداری کے بارے میں بات کرتے ہوئے وزیر پانی وبجلی کا کہنا تھا کہ یہ کسی سڑک کا نام نہیں بلکہ مختلف منصوبوں کا مجموعہ ہے۔

خواجہ آصف نے بتایا کہ اب تک سسٹم میں دو ہزار میگاواٹ بجلی شامل کی جا چکی ہے۔

Comments

comments

یہ بھی پڑھیں