The news is by your side.

Advertisement

ہائیکورٹ نے پیمرا کو اےآروائی نیوز کے خلاف کاروائی سے روک دیا

اسلام آباد: ہائیکورٹ نے پیمرا کو اے آر وائی نیوز کے خلاف کسی بھی قسم کا حکم جاری کرنے سے روک دیا ہے جبکہ ہائیکورٹ نے اے آر وائی کی درخواست بھی سماعت کے لیے منظورکرلی ہے۔

اے آر وائی نے درخواست میں موٗقف اختیارکیا تھا کہ پیمرا مسلسل اے آر وائی کے خلاف انتقامی کارروائیاں کررہا ہے، چیئرمین پیمرا کے بغیرپیمرا آئینی ادارہ نہیں ہے۔

درخواست میں مزید کہا گیا کہ پیمراآرڈی نینس میں قائم مقام چیئرمین کا کوئی عہدہ نہیں اورسپریم کورٹ نے قائم مقام چیئرمین کے عہدے کو غیرآئینی اورغیر قانونی قراردے چکی ہے اور پرویز راٹھور کو کام کرنے سے بھی روکنے کا حکم دیا ہے۔

درخواست میں کہا گیا ہے کہ پیمرا آزادانہ طور پر کام نہیں کررہا، پیمرا نے اے آر وائی کو غیرآئینی اورغیرقانونی نوٹس جاری کیے پیمرا اے آروائی کو ایک بارپھر بند کرنا چاہتا ہے، جس کی بندش سے اے آر وائی کے ہزاروں ملازمین بے روزگار ہوجائیں گے۔

Print Friendly, PDF & Email

Comments

comments

یہ بھی پڑھیں