The news is by your side.

Advertisement

ہارس ٹریڈنگ کی روک تھام کیلئے اے پی سی بلانے کا فیصلہ

اسلام آباد: سینیٹ انتخابات میں ہارس ٹرینڈنگ کیسے روکی جائے۔ سیاسی قیادت نے اے پی سی بلانے کا فیصلہ کرلیا ہے۔

سنگین مسائل پرقومی اتفاق رائے قائم کرنے والے ہارس ٹریڈنگ روکنے کیلئے قانون سازی پر متفق نہ ہوسکے، قائد حزبِ اختلاف خورشیدشاہ کے مطالبے پر اسحاق ڈارنے اے پی سی بلانے کی نوید سنا دی۔

ذرائع کے مطابق سینیٹ انتخابات میں ارکان کی خرید و فروخت روکنے کے لیے جمعہ کو آل پارٹیز کانفرنس بلائے جانے کا امکان ہے ۔

وزیرِاعظم ہاؤس کی جانب سے جلد سیاسی رہنماؤں سے رابطے شروع کیے جائیں گے، پیپلزپارٹی کے شریک چیئرمین آصف زرداری، ق لیگ ، ایم کیوایم سمیت دیگر سیاسی جماعتوں کے رہنماء کانفرنس میں شریک ہوں گے۔

گزشتہ روز مسلم لیگ ن اورپیپلزپارٹی کا سینٹ انتخابات میں ہارس ٹریڈنگ روکنے کے لئے ہر ممکن راستہ اختیار کرنے پراتفاق ہوگیا۔

دونوں جماعتوں کے اجلاس جس میں مسلم لیگ ن سے خواجہ سعد رفیق اور اسحاق ڈار جبکہ پیپلز پارٹی سے خورشید شاہ اور راجہ پرویز اشرف شریک تھے، اجلاس میں طے پایا کہ ہارس ٹریڈنگ کو روکنے کے لئے ہر ممکن آئینی اور قانونی ترامیم کی جائیں گی اوراس سلسلے میں جلد اے پی سی طلب کی جائے گی۔

اجلاس کے بعد دونوں جماعتوں کے رہنماؤں نے میڈیا سے گفتگو کی جس میں ہارس ٹریڈنگ کے خاتمے کے لئے اٹھائے جانے والے ممکنہ اقدامات کے بارے میں آگاہ کیا۔

Print Friendly, PDF & Email

Comments

comments

یہ بھی پڑھیں