ہارس ٹریڈنگ کے خاتمے کیلئے پارلیمانی جماعتوں کااجلاس طلب -
The news is by your side.

Advertisement

ہارس ٹریڈنگ کے خاتمے کیلئے پارلیمانی جماعتوں کااجلاس طلب

اسلام آباد: حکومت نے ہارس ٹریڈنگ کے خلاف حتمی معرکہ سر کرنے کا فیصلہ کرلیا ہے، دن ڈھائی بجے ہونے والے اجلاس میں تحریکِ انصاف اور پیپلزپارٹی کے رہنماء بھی شریک ہوں گے۔

وزیرِاعظم نواز شریف نے سینیٹ انتخابات کے دوران ہارس ٹریڈنگ کے تدارک کیلئے پارلیمانی رہنماﺅں کا اجلاس طلب کرلیا، اجلاس وزیراعظم کی زیرِصدارت دن کے ڈھائی بجے شروع ہوگا۔

اجلاس میں ہارس ٹریڈنگ روکنے کے لیے حکومت کی جانب سے حکمت عملی اور وزیرِاعظم کی جانب سے بیلیٹ پیپر پر ووٹر کا نام لکھنے کی تجویز پر غور کیا جائے گا۔

حکومت ک جانب سے ہارس ٹریڈنگ روکنے کے لیے بائیس ویں آئینی ترمیم لانے پر غور کیا جا رہا ہے، جس پر مشاورت کے لیے وزیرِاعظم پارلیمانی رہنماﺅں سے ملاقات کر رہے ہیں۔

اجلاس میں شرکت کیلئے، جماعت اسلامی، ایم کیو ایم اور اے این پی سمیت تمام سیاسی جماعتوں کو دعوت دی گئی ہے جبکہ مسلم لیگ ق اور پاکستان عوامی تحریک کو اجلاس میں شرکت کی دعوت نہیں دی گئی۔

Comments

comments

یہ بھی پڑھیں