The news is by your side.

Advertisement

ہتھیار ڈالنے والوں کو خوش آمدید کہا جائے گا، جنرل راحیل شریف

کوئٹہ : پاک فوج کے سربراہ جنرل راحیل شریف نے کہا ہے کہ تشدد کا راستہ ترک کرنے اور ہتھیار ڈالنے والوں کو خوش آمدید کہا جائے گا۔ یہ بات انہوں نے ہیڈکوارٹر سدرن کمانڈ کوئٹہ کے دورے کے موقع پر کہی۔

اس موقع پر آرمی چیف کو بلوچستان میں سیکورٹی اور امن و امان کی مجموعی صورتحال پر تفصیلی بریفنگ دی گئی۔

جنرل راحیل شریف کا کہنا تھا کہ توانائی اور تجارت کے علاقائی مرکز کے طور پر بلوچستان کی مکمل صلاحیتوں سے سول اور ملٹری مشترکہ کوششوں سے ہی فائدہ اٹھایا جاسکتا ہے۔

انہوں نے کہا کہ یہ بات انتہائی حوصلہ افزا ہے کہ علیحدگی پسند آہستہ آہستہ قومی دھارے میں واپس آرہے ہیں۔ ان افراد کو بسانے اور معاشرے میں مقام دلانے کے لئے مکمل تعاون کیا جائے گا۔

بریفنگ میں چیف سیکریٹری بلوچستان ، آئی جی ایف سی اورڈی جی آئی ایس آئی سمیت اعلی سول اور فوجی حکام نے شرکت کی۔

Print Friendly, PDF & Email

Comments

comments

یہ بھی پڑھیں