site
stats
انقلاب مارچ

ہمارےدو نعرے ہیں، گونوازگواورگونظام گو، طاہرالقادری

اسلام آباد: طاہر القادری نے کہا کہ ہمارا انقلاب ملک سے انتہا پسندی کا خاتمہ ہے، ان کا کہنا تھا پاکستان عوامی تحریک کی جدوجہد کا اگلا پڑاوفیصل آباد ہوگا ۔

اسلام آباد میں انقلابی دھرنے کا شرکاء سے خطاب کرتے ہوئے پاکستان عوامی تحریک کے سربراہ ڈاکٹر علامہ طاہرالقادری نے کہا کہ پاکستان کے ادارے خسارے میں چل رہے ہیں اس حکومت کا پورا نظام کرپٹ ہے، حکمران میرٹ پر سرکاری نوکریاں نہیں دیتے اور لاکھوں کی تنخواہ پر سفارشی لوگوں کو بٹھا دیتے ہیں جس پر عوام کو سوال پوچھنے کا پورا حق ہے کہ سرکاری ملازمت کا میرٹ کیا ہے جبکہ پاکستان میں ڈاکٹرز اور انجینئرز کو بھی لاکھوں میں تنخواہ نہیں دی جاتی۔

انہوں نے کہا کہ اس ملک کے ستونوں میں سے کرپشن بھی ایک ستون بن چکا ہے جسے سب نے تسلیم کرلیا ہے جبکہ کرپشن اب پاکستانی سیاسی کلچر کا بھی حصہ بن چکی ہے لیکن ہمیں اس ملک سے کرپشن کی جڑوں کو کاٹنا ہے جس کے لیے سب کو ساتھ بیٹھنا ہوگا۔اس موقع پر ڈاکٹر طاہرالقادری نے دھرنے کے شرکاء کو نیا نعرہ بھی دے دیا ان کا کہنا تھا کہ ہمارےدوگوہیں، گونوازگو اورگونظام گو۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top