site
stats
پاکستان

ہیلی کیم اور میڈیا کوریج پر پابندی, لاہورہائیکورٹ میں چیلنج

لاہور:  حکومت کی جانب سے اہم مقامات پر ہیلی کیم اور میڈیا کوریج پر پابندی کو لاہورہائیکورٹ میں چیلنج کر دیا گیا ہے۔

اظہر صدیق ایڈووکیٹ کی جانب سے دائر درخواست میں موقف اختیار کیا گیا ہے کہ حکومت نے من پسند رپورٹنگ نہ ہونے پر ہسپتالوں، خصوصی عدالتوں اور اہم مقامات پر میڈیا کوریج  پر پابند عائد کر دی ہے جو کہ آئین کے آرٹیکل 19 اور 19اے کی خلاف ورزی ہے۔

درخواست میں کہا گیا کہ آزادی اظہار رائے ہر شہری کا حق ہے، مہذب معاشروں میں میڈیا پر کسی قدغن کو برداشت نہیں کیا جاسکتا، میڈیا کی آزادی ہی شہری آزادیوں اور عدلیہ کی آزادی کی ضمانت ہے۔

درخواست میں استدعا کی گئی ہے کہ میڈیا کو جدید ٹیکنالوجی اور ہیلی کیم کے ذریعے کوریج کرنے کی اجازت دے جائے اور اہم مقامات کی کوریج پر عائد پابندی بھی ہٹانے کا حکم دیا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top