ہیم ٹیکسٹائل نمائش چودہ جنوری سے فرینکفرٹ میں منعقد ہوگی -
The news is by your side.

Advertisement

ہیم ٹیکسٹائل نمائش چودہ جنوری سے فرینکفرٹ میں منعقد ہوگی

اسلام آباد : میسے فرینکفرٹ کے تحت جرمنی کے شہر فرینکفرٹ میں چودہ جنوری سے شروع ہونیوالی ہیم ٹیکسٹائل بین الاقوامی نمائش میں پاکستان کی دو سو سے زائدٹیکسٹائل کی مصنوعات بنانے والی کمپنیاں شرکت کررہی ہیں۔

پاکستان سمیت دنیا بھر کی دو ہزار سے زائد ٹیکسٹائل کمپنیوں ہیم ٹیکسٹائل میں اپنی مصنوعات پیش کر رہی ہیں۔ ٹیکسٹائل ایکسپور ٹرایاز تھاور کا کہنا ہے کہ جی ایس پی پلس سے فائدہ اٹھانے کے لیے حکومت ، گیس اور بجلی کی بلاتعطل فراہمی کو یقینی بنائے ۔

ہیم ٹیکسٹائل کے آرگنائزر ہادی صلاح الدین نے بتایا کہ ہیم ٹیکسٹائل میں پاکستانی ٹیکسٹائل ایکسپورٹرز کیلئے انتہائی پرکشش ایونٹ بن گیا ہے جس میں پاکستان تیسرا بڑا نمائش کنندہ ملک ہے۔

جی یس پی پلس کا درجہ ملنے کے بعد یورپین مما لک کی برآمدات میں انیس فیصد اضافہ ہوا۔گزشتہ سال یورپین ممالک کو پانچ ارب سڑسٹھ کروڑ ڈالرز کی برآمدات ہوئیں۔ ہوم ٹکسٹائل میں اٹھائِس فیصد، گارمنٹس میں ستائیس فیصد، اضافہ ہوا، جبکہ فٹ وئیر اور چمڑے کی مصنوعات کی برآمدات میں بالترتیب چھبیس فیصد اور برآمدات میں دس فیصد اضافہ ہوا۔

یورپی یونین سے جی ایس پی پلس کا درجہ ملنے کے ملنے کے بعد ہیم ٹیکسٹائل نمائش کے ذریعے پاکستانی ٹیکسٹائل کی مصنوعات کی برآمدات میں مسلسل اضافہ ہو رہا ہے۔پاکستان کو جی پی ایس پلس کا درجہ ملنے سے یوروپین ممالک کوبرآمدات 5بلین ڈالر تک پہنچ گئی

Comments

comments

یہ بھی پڑھیں