یمن سے پاکستانیوں کی واپسی، پی آئی اے کا ریسکیو آپریشن مؤخر -
The news is by your side.

Advertisement

یمن سے پاکستانیوں کی واپسی، پی آئی اے کا ریسکیو آپریشن مؤخر

یمن: محصورین کی واپسی کے لئے پی آئی اے کا ریسکیو آپریشن موخر کردیا گیا ہے، یمنی ایوی ایشن کی کلئیرنس کے بعد طیارہ بھیجا جائے گا۔

ہزاروں پاکستانی یمن میں پھنسے ہیں اور وطن واپسی کے خواہشمند ہیں لیکن پی آئی اے کا آج ہونے والے ریسکیو آپریشن روک دیا گیا ہے، محصور پاکستانیوں کو واپس لینے جانے والا پی آئی اے کا دوسرا طیارہ تیار تھا کہ اچانک اسے روکنے کے احکامات آگئے۔

ائیرپورٹ ذرائع کا کہنا ہے کہ یمن کے لئے آج کا ریسکیو آپریشن منسوخ کردیا گیا ہے۔

ذرائع کا کہنا ہے یمنی ایوی ایشن کی جانب سے ابھی تک کلئیرنس نہ مل سکی ، جیسے ہی کلئیرنس ملے گی طیارہ یمن روانہ کردیا جائے گا۔

گزشتہ روز پی آئی اے کی خصوصی پرواز یمن سے 502محصور پاکستانیوں کو لیکر یمن حدیدہ سے  وطن واپس پہنچی تھی۔

واضح رہے کہ یمن میں پھیلتی بد امنی اور حوثی باغیوں کی جانب سے جاری جنگ کے باعث یمن میں مقیم پاکستانیوں کو وطن واپس لانے کے لیے حکومت سر توڑ کوششیں جاری ہے،اسی حوالے سے پاکستانی سفیر کی سربراہی میں پاکستانیوں کا انخلاء کیا جا رہا ہے۔

Comments

comments

یہ بھی پڑھیں