site
stats
اہم ترین

یمن صورتحال : نواز شریف کی شاہ سلمان بن عبدالعزیزکو تعاون کی یقین دہانی

اسلام آباد : وزیر اعظم نواز شریف کو سعودی فرمانروا شاہ سلمان بن عبدالعزیز نے ٹیلی فون کیا اور مشرق وسطیٰ کی صورتحال پر تفصیلی تبادلہ خیال کیا۔

دونوں رہنماؤں کے درمیان ٹیلی فونک گفتگو میں یمن کی موجودہ صورتحال اور یمن سے پاکستانیوں کے انخلا ء سے متعلق امور بھی زیر غور آئے۔

وزیراعظم نے شاہ سلمان کو سعودی عرب کے ساتھ مکمل تعاون اور حمایت کا یقین دلایا، وزیر اعظم نواز شریف کا کہنا تھا پاکستان سعودی عرب کے تحفظ کے لیے تمام میسر وسائل بروئے کار لائے گا۔

واضح رہے کہ یمن میں حوثی باغیوں کے خلاف سعودی عرب کی فضائی کارروائی جاری ہے، حملوں میں باغیوں کے ٹھکانوں اور سعدہ میں اسلحہ ڈپو کو بھی نشانہ بنایا گیا۔

مصر اور سعودی عرب کے بحری بیڑے یمن پہنچ گئے ہیں۔ یمن کے فوجی حکام کا کہنا ہے کہ کارروائی میں باغیوں کے زیرِ تسلط فوجی بیس کو بھی نشانہ بنایا گیا ہے، جس سے یمن کا دفاعی نظام شدید متاثر ہوا ہے۔

فضائی حملوں کے باوجود جنوبی اور مشرقی علاقوں میں باغیوں کی پیش قدمی جاری ہے۔ یمنی حکام کا کہنا ہے کہ باغیوں کے مکمل خاتمے تک فضائی حملے جاری رہیں گے اور باغیوں کی پیش قدمی رکتے ہی حملے ختم کردئیے جائیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top